“Apple” şirkətinin yay təqdimatı və illik konfransı ləğv edilə bilər. «ICTinfo.az» «ferra.ru» resursuna istinadən bildirir ki,“WWDC” stabil şəkildə 6 min qonağı bir araya gətirən dünyada proqram tərtibatçıları üçün ən böyük tədbirlərdən biridir. Tərtibatçılar konfransı ənənəvi olaraq Santa-Klara dairəsinin mərkəzi olan San-Hose şəhərində keçirilir.Santa-Klara dairəsinin Səhiyyə Departamenti mindən çox insanın iştirak etdiyi kütləvi tədbirləri qadağan edib. Martın 10-dan etibarən qüvvəyə minən qadağa minimum üç həftə davam edəcək.Jurnalistlərin fikrincə, “Apple” tərəfindən “WWDC” konfransının onlayn formatda keçiriləcəyi təqdirdə iştirakçıların sayı artacaq.
Kütləvi tədbirlərin keçirilməsi ilə bağlı yeni tövsiyələr dairədə ilk COVID-19 pnevmoniya xəstəsinin ölümü qeydə alındıqdan sonra tətbiq edilib. Santa-Klarada infeksiyadan ölənlərin ümumi sayı isə 43 təşkil edir.
Pnevmoniyanın yayılması təhlükəsi ilə əlaqədar tərtibatçılar üçün illik konfransı “Google” şirkəti də ləğv edib. Şirkət martın 3-də mayın 12-14-nə planlaşdırılan “Google I/O” konfransını ləğv etdiyini bəyan edərək tədbiri onlayn formatda keçirəcəyini qeyd edib. Konfransda ABŞ şirkəti tərəfindən “Android 11” əməliyyat sisteminin təqdim ediləcəyi gözlənilir.
