2019-cu ilin sonunda «5G» kommersiya xidmətləri Avropa İttifaqının 10 ölkəsində istifadəyə verilib.Almaniya, Avstriya, Finlandiya, Macarıstan, İrlandiya, İtaliya, İspaniya, Estoniya, Böyük Britaniya və Rumıniya bu yeni texnologiya ilə kommersiya səviyyəsində xidmətlər təklif edən ölkələrdir.»ICTinfo.az» «ixbt.com»-a istinadən bildirir ki,Böyük Britaniya və Rumıniyada üç, İtaliya, Almaniya və Finlandiyada iki «5G» xidmət tədarükçüsü fəaliyyət göstərir.Portuqaliya texnologiyanı təklif edən ölkələr sırasına hələ ki daxil edilməyib. Belə ki, bu ölkədə «5G» lisenziyalarının paylanması üzrə hərrac apreldə başlayıb iyunda başa çatacaq.
İspaniya daxilində bütün fəaliyyət sahələrinə «5G» texnologiyasının tətbiqi 2025-ci ildə 14 milyard avro məbləğində iqtisadi effekt verəcək. Yeni bağlantı «4G» şəbəkəsinin təmin etdiyi sürəti 40 dəfə üstələyəcək.
Avropa Komissiyasının 2017-ci ilin dekabrında Aİ Şurası tərəfindən təsdiq edilən 2016-cı ilin sentyabrı üçün Fəaliyyət Planı 2020-ci ilin sonunda «5G» kommersiya şəbəkəsinin bütün üzv dövlətlərin azı bir ən böyük şəhərində qurulmasını nəzərdə tutur.2019-cu ilin sonunda Almaniya, Avstriya, Danimarka, İspaniya, Estoniya, Finlandiya, Fransa, Niderland, Lüksemburq, Böyük Britaniya və İsveç tərəfindən «5G» üçün milli «yol xəritəsi», o cümlədən spektrdən istifadə strategiyaları dərc edilib.Cənubi Koreyanın üç operator tərəfindən «5G» xidmətləri istifadəyə verilib. Ötən ilin oktyabrında onların abunəçilərinin sayı 3 milyon təşkil edib.
Avstraliyada texnologiya Melburn və Sidney daxil olmaqla 10 şəhəri əhatə edir. Bu il şəhərlərin sayının 25-dək artacağı gözlənilir.
Çinin «China Mobile», «China Telecom» və «China Unicom» operatorları «5G» xidmətlərini ötən ilin noyabrında istifadəyə verib. Onlar tərəfindən artıq 9 milyona yaxın abunəçi beşinci nəsil mobil rabitə xidmətləri ilə təmin edilib.
ABŞ-da fəaliyyət göstərən dörd böyük operatorun üçü bu sahədə xidmətləri işə salıb.
Bəhreyn, Küveyt, Qətər, Birləşmiş Ərəb Əmirlikləri və Səudiyyə Ərəbistanı kimi ölkələrdə də «5G» şəbəkəsi mövcuddur.
Hindistan hökuməti «5G» texnologiyasının inkişafına sadiq olsa da, onu 2022-ci ildə işə salmağı planlaşdırır.
