“Motorola” şirkəti elastik ekranlı “Moto Razr” smartfonu ABŞ-da fevralın 6-dan etibarən alıcılara çatdırılacaq.İlknin sifarişlərin qəbuluna yanvarın 26-da başlanılacaq.“ICTinfo.az “4pda.ru” resursuna istinadən yazır ki, smartfonun qiyməti 1499 dollar olacaq.Bu “Moto Razr” şirkətin ekranı ortadan qatlanan ilk smartfonudur.Qurğu “Qualcomm Snapdragon 710” prosessor, 6 giqabaytlıq operativ və 128 giqabaytlıq quraşdırılmış yaddaş, eləcə də ikinci – 800 x 600 təsvir ölçülü 2,7 düymlük displeylə təchiz edilib. Əsas kameranın təsvir ölçüsü 16 meqapiksel təşkil edir və həssas obyektivlə (f/1.7) təchiz edilib, ön kamera isə 5 meqapikselli daxili kameraya malikdir.
“Moto Razr” smartfonunun satışlarına ilkin olaraq dekabrın 26-da başlamaq planlaşdırılsa da, ötən ilin sonunda şirkət gözlənilməz yüksək tələbat səbəbindən onu təxirə salıb.
“Moto Razr” smartfonunun buraxılışından bir neçə gün sonra “Samsung” şirkəti tərəfindən “Galaxy Z Flip” adlı yeni elastik modelin nümayiş olunacağı gözlənilir. O, fevralın 11-də təqdim ediləcək.
