Almaniyanın «PMD Technologies AG» şirkəti dünyada ən kiçik sensor təqdim edib.»3D» kameralar kimi tanınan «ToF» modullar qurğunun sahibini müəyyənləşdirmək, ödənişləri təsdiqləmək və ya çəkiliş keyfiyyətini yaxşılaşması üçün əsas kameranın ayrılmaz hissəsi kimi smartfonlarında istifadə olunur.Həmin sensorun əsas özəlliyi yüksək təsvir ölçüsü və nazik qurğulara quraşdırılma imkanıdır.
«ICTinfo.az» «4pda.ru»-ya istinadən yazır ki,kiçik modul üz tanıma və jestlə idarəetmə daxil olmaqla müxtəlif məsələlərin həlli üçün nəzərdə tutulub.Çox kiçik olması onu smartfon və başqa mobil qurğulara quraşdırmağa imkan verir.İstehsalçıların iddiasına görə, sensor smartfonun kamerası moduluna daxil edildikdə fokuslamanı və bulanıqlıq effektinin keyfiyyətini xeyli yaxşılaşdırır.
Sözügedən yığcam modulun tədarük tarixi və qabaqcıl 3D kamera ilə təchiz ediləcək ilk smartfonların siyahısı haqda məlumat yoxdur.
