“Microsoft” korporasiyası “Windows 7” əməliyyat sisteminin rəsmi müddəti bitdikdən sonra onu qismən dəstəkləyəcəyini təsdiq edib.
“ICTinfo.az” “iz.ru” saytına istinadən yazır ki, genişləndirilmiş dəstək bitəcək, ancaq biznes versiyalarının sahibləri “Microsoft Security Essentials” təhlükəsizlik paketini almağa davam edəcəklər. Söhbət əməliyyat sisteminin ödənişli dəstəyə malik xüsusi versiyalarından gedir.
“Microsoft” korporasiyası bundan sonra öz saytında “Windows 7” haqqında informasiyanı yeniləyib. Təhlükəsizlik paketləri bundan sonra da çıxarılacaq, ancaq “Microsoft Security Essentials” sistemi yenilənməyəcək.
“Windows 7” sisteminin genişləndirilmiş dəstəyi 14 yanvar 2020-ci il tarixində bitəcək. Xatırladaq ki, “Windows 7” sistemi 2009-cu ilin iyulunda təqdim edilib.
