«Facebook» sosial şəbəkəsi tərəfindən yaradılan yeni xidmət istifadəçiləri sorğularda iştiraka və başqa tapşırıqların yerinə yetirilməsinə görə maliyyə mükafatı ilə qiymətləndiriləcək.Söhbət amerikalı istifadəçilər üçün təqdim edilmiş «Viewpoints» proqramından gedir.»ICTinfop.az» «hightech.fm» saytına istinadən yazır ki,bu xidmət gələn ildən başqa ölkələrdə də əlçatan olacaq.
Yalnız «Facebook»da qeydiyyatdan keçmiş və yaşı 18-dən yuxarı olan insanlar bu mobil tətbiqdən istifadə edə biləcəklər. Lakin xidmət onların fərdi məlumatlarını (elektron poçt ünvanı, yaşayış yeri, doğum tarixi, ad və soyad, bəzən isə olduğu yeri) istəyəcək.
«Facebook»un nümayəndəsi bildirib ki, şirkət «Viewpoints» tətbiqini yalnız öz məhsulunu yaxşılaşdırmaq üçün çıxarıb, toplanmış məlumatlar üçüncü şəxslərə verilməyəcək.
Mütəxəssislər sosial şəbəkə istifadəçilərinin fərdi məlumatlarının itkisi ilə bağlı çoxsaylı qalmaqallara görə artıq «Facebook»un bu təşəbbüsünü tənqid ediblər.
