“Xiaomi” şirkəti dünyada gücü 30 vattadək olan ən sürətli simsiz enerji doldurma texnologiyasını təqdim edib.»Mi Charge Turbo” texnologiyası ilə smartfonlar 27 vattlıq kabellə müqayisədə daha sürətli enerji toplayır. Məsələn, 4000 milliamper/saat tutumlu akkumulyatoru 25 dəqiqə ərzində 50%-dək, 69 dəqiqə ərzində isə 100%-dək enerji ilə doldurmaq mümkündür.
“ICTinfo.az” “4pda.ru” saytına istinadən yazır ki, bundan başqa, “Mi Charge Turbo” texnologiyası sürətli reversiv simsiz enerji doldurma texnologiyasını dəstəkləyir: “ağıllı” saat, qulaqlıq, məsələn, ikinci nəsil “AirPods”u və hətta başqa smartfonları enerji ilə doldurmağa imkan verir.
“Mi Charge Turbo” texnologiyası ilə təchiz ediləcək ilk smartfon “Xiaomi Mi 9 Pro 5G” olacaq. Bu haqda “Facebook”da şirkətin vitse-prezidenti yazıb.
