«Ailə NET» abunəçiləri eyni qiymətə daha sürətli və keyfiyyətli fiber-optik internetdən istifadə edəcəklər.
«Caspian Telecom»un mətbuat xidmətindən bildirilib ki, indi 36 mbit/s sürətli fiber-optik internet ayda cəmi 18 manat təşkil edəcək, yəni 1 mbit/s internetin aylıq qiyməti cəmi 50 qəpikdən. Xatırladaq ki, indiyədək eyni qiymətə cəmi 15 mbit/s sürətli internet əldə etmək mümkün olurdu.
Daha yüksək sürətli «Ailə NET» internet tarif planlarında da ucuzlaşma müşahidə olunur. Artıq 56 mbit/s sürətli tarif planı 28 manat, 70 mbit/s isə 35 manat təşkil edir. 100 Mbit/s tarif planında isə aylıq abunə qiyməti cəmi 50 manat təşkil edir.
«Qeyd etmək lazımdır ki, internet tariflərinə tətbiq olunan bu həcmdə güzəşt Azərbaycanda ilk dəfə məhz «Ailə NET» internet provayderi tərəfindən tətbiq olunur»,- məlumatda deyilir.
