64 meqapiksel kameralı “Redmi Note 8 Pro” smartfonunun təqdimatından sonra internetdə daha yaxşı kameralı “Xiaomi” haqqında informasiya yayıldı.Söhbət 108 meqapiksellik təsvir ölçülü kameradan gedir.”ICTinfo.az” “4pda.ru” resursuna istinadən biliri ki,“Mi Mix 4” adlı smartfon 2019-cu ilin sentyabrında təqdim ediləcək. Mənbələrin məlumatına görə, bu, 108 meqapiksellik “Samsung ISOCELL Bright HMX” kamerası ilə təchiz edilmiş ilk smartfon olacaq. Sözügedən sensor 12032×9024 nöqtə təsvir ölçülü şəkil çəkə biləcək, həmçinin gələn il təqdim ediləcək “Samsung Galaxy S11” aparatına quraşdırılacaq.
Bundan başqa, “Mi Mix 4” smartfonu “Snapdragon 855 Plus” prosessoru, 100 vatt gücündə enerjidoldurma texnologiyasını dəstəkləyən 4500 milliamper/saat tutumlu akkumulyatorla təchiz ediləcək, ön kamera isə ekrana quraşdırılacaq.
