“Facebook” şirkəti bu ilin birinci rübündə 2,19 milyard saxta hesab silib.Ötən ilin dördüncü rübündə isə spam və yalan informasiya yayan təxminən 1,2 milyard saxta hesab silinmişdi.“ICTinfo.az” “hitech.vesti.ru” saytına istinadən bildirir ki,2019-cu ilin birinci rübü üzrə hesabata əsasən, “Facebook”un auditoriyası 2,38 milyard nəfərdir. Şirkət saxta hesabların sayının kəskin artmasını “cinayətkarlar bir dəfəyə çoxlu sayda hesab yaratmağa çalışaraq avtomatlaşdırılmış hücumlar həyata keçirirlər” kimi açıqalma ilə izah ediblər.
“Facebook”un mütəxəssisləri qeydiyyat mərhələsində saxta hesabları aşkar edir, etibarsız hesabları onlara giriş anında bloka salır və artıq sosial şəbəkədə qeydiyyatdan keçmiş saxta hesabları silirlər. Bütün səylərə baxmayaraq, şirkətin qiymətləndirməsinə görə, xidmətin aktiv auditoriyasının 5%-i (təxminən 119 milyon) real istifadəçi deyil.
