Mobil qurğuların məhsuldarlığının yoxlanılması üzrə ən populyar test hesab edilən “AnTuTu” yaradıcıları bu dəfə “Android” qurğular bazarının vəziyyəti üzrə statistikanı dərc etdilər.
“ICTinfo.az” “4pda.ru” resursuna istinadən bildirir ki,bunun üçün onlar avqust ayı üzrə bütün dünyada satılan milyonlarla aparat haqqında məlumatları toplayıblar.
“AnTuTu”-nun məlumatlarına əsasən, “Android”-in ən populyar versiyası “Oreo” (8.0 və 8.1)-dur. O, 61,4% “Android”-qurğuda qurulmuşdur .”Nougat” (7.0, 7.1.1, 7.1.2)-ın payı isə 24,07% təşkil edir. 
“Google”-un rəsmi statistikasına inansaq onda, sentyabr ayının əvvəlinə görə “Android Oreo”-nun payı 14,6%,”Android Nougat”-ın isə 30,8% təşkil edir.
Ekranların təsvir ölçülərinə gəlincə burada “Full HD” (1920×1080) 24,37%, ikinci yerdə isə (17,19%) “Full HD+” (2160×1080) durur.
Qurğuların (73,5%) böyük əksəriyyəti səkkiznüvəli prosessorla təchiz edilmişdir. 21,9% qurğuda dördnüvəli mikrosxem yığımları istifadə olunur.
26,51% modeldə 6 QB , 31,7% -də 4 QB operativ yaddaş qurulmuşdur.
Demək olar ki, qurğuların (41,13%) yarısında 64 QB yığıcı var və ikinci yerdə gözlənilmədən 128 QB (24,64%) yerləşib.
“AnTuTu”-u statistikası dəqiqdir, çünki statistika bençmark yoxlamasından keçmiş qurğulara əsaslandırılmışdır.
