«Ericsson» şirkəti ABŞ-da «5G» internet üçün avadanlığın hazırlanması üzrə ilk tədqiqat mərkəzini yaradır.»ICTinfo.az» «runews24.ru» resursuna istinadən bildirir ki,yeni mərkəzdə 200-dən çox proqramçı mühəndis çalışacaq. «Ericsson» daha əvvəl Ostində «5G» baza stansiyaları üçün mikroelektron nüvələri hazırlayan «Specific Integrated Circuit» mərkəzini açdı.
Şirkət istehsal gücünü dördüncü rübün sonuna qədər artırmağı planlaşdırır. Birinci baza stansiyaları cari ilin sonunda istifadəyə veriləcək.
«Ericsson» rəhbərliyi həmçinin süni intellektin və avtomatlaşdırma vasitələrinin hazırlamasına investisiyalar qoyulacağını elan etdi. Bunun üçün daha 100 mütəxəssis işə götürmək planlaşdırılır. «Komanda yol xəritələrinin və biznesdə yeni imkanların öyrənilməsinin ekspertizası üzrə işə başlayacaq» – «Ericsson»-dan bildiriblər.
