Kibertəhlükəsizlik sahəsi üzrə tanınmış «Appthority» ekspertlər qrupu korporativ müştərilər üçün təhlükə doğura bilən mobil proqramların siyahısını hazırlayıb.Bu haqda «Appthority» şirkətinin 2018-ci ilin ikinci rübü ərzində apardığı tədqiqatın nəticələrində deyilir.
«ICTinfo.az» «hi-tech.mail.ru» resursuna istinadən bildirir ki,mütəxəssislər «IOS» qurğular üçün ən təhlükəli proqramların «WhatsApp» və «Facebook Messenger»,həmçinin «Waze» naviqasiya proqramı hesab edir.
«WhatsApp» və «Facebook» proqramları həmçinin «Android»-in idarəsi altında işləyən smartfonlar üçün də risk səviyyəsinə görə ən yüksək ballar aldı.Üçüncü yerdə «Telegram»-ın messenceri yerləşir. Tədqiqatçılar qeyd edirlər ki, «Waze» və «Telegram» ilk dəfə siyahıya düşür.Əlavələr şirkətlərin «qara siyahı»sına təhlükəsizliklə əlaqədar müxtəlif səbəblərə, o cümlədən şübhəli davranış və məlumat sızması riski, təhlükəsizlik siyasətinə uyğunsuzluq və informasiyanın emalı ilə bağlı narahatlığa görə daxil olurlar.
«Facebook» və «WhatsApp» messencerləri risklik dərəcəsinə görə,10 mümkün baldan 7 bal topladı.
