Böyük Britaniyanın «Farnbor» aviasalonunda «Rolls-Royce» şirkətinin aviasiya mühərriklərinin operativ müayinəsi üçün ilanları və böcəkləri xatırladan kiçik robotları nümayiş etdirilib.
«ICTinfo.az» igate.com.ua» resursuna istinadən bildirir ki,»SWARM» adlanan birinci tip robotlar ilk baxışdan tarakanları xatırladır.Kiçik ölçülərin sayəsində onlar mühərriklərə daxil olaraq orada video çəkiliş aparmaqla problemlər haqqında mühəndisləri məlumatlandıracaqlar. Bu onlara mühərriki təyyarədən çıxartmadan müayinə etməyə kömək edəcək.Mühəndislərin adətən beş saat vaxt aparan mühərrik yoxlamasını «Rolls-Royce»-un həşərat mühəndisləri beş dəqiqəyə edəcək.
Aviasalonda robot böcəklərin hələlik bir qədər böyük ölçüləri nümayiş etdirilib.Mühəndislərin sözləırinə görə, gələcəkdə onların ölçülərinin 15 millimetrə qədər azaltmaq planlaşdırılır.
Bundan başqa «Rolls-Royce» iki ilanabənzər robot da nümayiş etdirib. Elastik konstruksiyanın sayəsində onlar bütün mühərrik üzrə hərəkət edə və lazımlı sahələrin texniki xidmətini həyata keçirə biləcəklər.
