İnternetdə qabaqcıl “Samsung Galaxy Note 9” smartfonu haqqında informasiya yayılıb. Bu haqda Polşanın “Spider’s Web” texnologiya bloquna istinadən “PhoneArena” bildirir.Öz növbəsində resurs şirkətin Polşa nümayəndəliyindən məlumat alıb.Beləliklə, mobil qurğunun (6 + 128 QB) baza versiyasının qiymətinin 1 000 dollardan baha olmayaraq 960 dollar olacağı bildirilir. “ICTinfo.az” “life.ru” resursuna istinadən bildirir ki,Avropada bu smartfon təxminən 990 avroya almaq mümkün olacaq. Qeyd edək ki, Avropa Birliyinin ərazisində smartfon ƏDV-ə görə 20% daha bahalı olacaq.
Bundan başqa smartfon 6,4 düym diaqonallı ekran,3850 və ya 4000 mAs tutumlu akkumulyatorla təchiz ediləcək. Bu, ötən il təqdim olunan 3300 mAs tutumlu “Galaxy Note 8” modelinin akkumulyatorundan daha güclüdür.
Bundan əvvəlki məlumatlara görə,“Samsung Galaxy Note 9” smartfonu qabaqcıl “Galaxy S9” və “Galaxy S9+” modelləri kimi “Infinity Display 2.0” displeyinə malik olacaq. Ekran əyilmiş olacaq.Smartfonun yuxarı və alt tərəfi qalın,yan çərçivəsi incə olacaq.“S-AMOLED” ekran texnologiyasını və 18,5:9 tərəf nisbətlərini qoruyacaq “Galaxy Note 9” modeli “Samsung” şirkətinin barmaq izi skaneri birbaşa ekranda olan ilk smartfon olacaq.Qurğunun stilusu sələfi ilə müqayisədə 2 mm qısa olacaq.
Bildirilir ki, qurğunun aparat əsasını buraxılış regionundan asılı olaraq “Exynos 9810” və “Qualcomm Snapdragon 845” prosessorları təşkil edəcək.
Smartfonu avqustun 9-da təqdim edəcəklər. Kamera və məhsuldarlıq imkanları onun güclü tərəfi olacaq. Zahirən o sələfdən az fərqlənəcək: qabaq panel eyni olacaq, arxa paneldə barmaq izlərinin skaneri kameraların altında yerləşəcək.
