“USB” texnologiyasının inkişafı və tanıdılması ilə məşğul olan “USB-IF” təşkilatı zəif görən və gözdən əlil insanlara kompüterdən istifadəyə imkan verən Brayl ekranları üçün “USB HID” (Human Interface Device) standartını təqdim edib. Layihənin hazırlamasında «Apple», «Microsoft» və «Google» kimi belə böyük texnologiya şirkətləri iştirak edir.
«ICTinfo.az» «dailycomm.ru» resursuna istinadən bildirir ki,universal standart istehsalçı və tərtibatçılar tərəfindən hər əməliyyat sistemi üçün xüsusi proqram təminatının və drayverlərin yaradılmasını sadələşdirəcək, istifadəçilərə isə ekranları fərdi kompüterlərə, həm də «Windows»,» Mac» və «Android» platformalarında mobil qurğulara qoşmağa icazə verəcək.
Yenilik sayəsində Brayl ekranları müxtəlif qurğulara qoşmaq tez və asan olacaq.Onların istifadəsini əhəmiyyətli dərəcədə daha rahat edəcək. Standartın tətbiqi 2019-cu ildə planlaşdırılıb.
Ümumdünya Səhiyyə Təşkilatının məlumatlarına əsasən, hal-hazırda dünyada 253 milyon gözdən əlil insan yaşayır.
«Microsoft» üçün texnologiyaların yaradılması ilə fiziki xüsusiyyətlərdən asılı olmayaraq insanlara kömək etmək və onların həyatını daha yaxşı etmək ən əhəmiyyətli məsələlərdən biridir. Daha əvvəl korporasiya «AI for Accessibility» proqramını elan etdi. Süni intellekt əsasında texnologiyanın tətbiqi ilə məhdudlaşdırılmış imkanlı insanlara 25 milyon dollar kömək üçün sərmayə qoyulmuşdu.
