Çinin “Vivo” şirkəti Barselonada keçirilən “MWC 2018” sərgisində “Apex” adlı tam çərçivəsiz smartfonunu təqdim edib.
“ICTinfo.az” “ferra.ru” saytına istinadən yazır ki,smartfonda ekran ön panelin 98 faizini tutur. Barmaq izləri skaneri birbaşa ekrana tikilib.Smartfon “Half-Screen In-Display Fingerprint Scanning” texnologiyasını dəstəkləyir ki, bu da eyniləşdirmə üçün barmağı kiçik piktoqramın üzərində deyil, ekranın üçdə bir hissəsini tutan sahəsinə qoymağa imkan verir.
Smartfonda ekranın alt hissəsində gizlədilmiş kamera mövcuddur.Bu əsas özəllik kimi ehtiyac olduğu halda periskop kimi istifadə edilə bilir. Kameranın təsvir ölçüsü 8 meqapiksel təşkil edir.
