Barselonada keçiriləcək “MWC 2018” sərgisində “Android Go” əməliyyat sistemli ilk smartfonlar təqdim ediləcək.
“ICTinfo.az” “4pda.ru” resursuna istinadən bildirir ki,”Android Go” ilə təchiz edilmiş həllərini göstərəcək ilk istehsalçılar “Nokia”, “ASUS” və ehtimal ki, “Xiaomi” olacaq. “Android Go” hələ ötən il may ayında keçirilən “Google I/O” tədbirində təqdim edilmişdi.
Sistem 512 MB və ya 1 QB əməli yaddaş ilə smartfonlarda optimallaşdırılmışdır.Xüsusi olaraq uyğunlaşdırılmış proqramlar və xidmətlər məsələn, “YouTube Go”, “Google Go” və “Gmail Go” istifadəçilərə əlçatandır.
“HMD Global” “Android Go”-da şəxsi həlli təqdim edə bilər. Məlumata görə,”Nokia 1″ smartfonu HD-ekran,1 QB operativ və 16 QB daxili yaddaş, “Snapdragon 212″ prosessoru alacaq .”Nokia 1”-in gözlənən qiyməti 105 dollar olaca.
“ASUS X00RD” həmçinin “Android 8.1 Oreo”(Go Edition) idarəsi altında işləyir, 1 QB əməli yaddaş və “Qualcomm Snapdragon 425” prosessoruna malikdir. Ekranın təsvir ölçüsü 1280×800 piksel təşkil edir.
Həmçinin “Xiaomi” şirkəti “Android Go” smartfonlarının xəttində lider yerini avtomatik tutacaq “MiA1 Go Edition” smartfonunun xüsusi versiyasını buraxa bilər.
“MWC 2018” sərgisi çərçivəsində ilk təqdimatlar bugündən başlayır.
