Avtomobil istehsalçısı «Nissan» şirkəti «ProPILOT Park Ryokan» mehmanxana kompleksində müştərilərin istifadə etdiyi ən adi şap-şuplara «ProPILOT Park» avtodayanacaq texnologiyasını tətbiq etdi. Belə şap-şuplar səliqəsiz çıxarılaraq yerlərinə qoyulmadıqları vaxt özləri müstəqil yerləşmə bacarığına malikdirlər.
«ICTinfo.az» «4pda.ru» resursuna istinadən bildirir ki,təqdim edilən videoçarxda şap-şuplardan başqa istifadədən sonra öz yerlərinə avtomatik qayıdan balışlar, masalar, pultlar və bir çox başqa predmetləri göstərilir. Sözügedən predmetlər hərəkət üçün kiçik təkərlərlə təchiz edilib.
Qeyd edək ki, hələ 2016-cı ildə «Nissan» avtodayanacaq funksiyasıyla ofis kreslolarını təqdim edib.
