Çinin «ZTE» şirkəti «Axon M» modelinin varisi olacaq yeni smartfon hazırlayır.»ICTinfo.az» «dni24.com» resursuna istinadən bildirir ki,şirkət «Axon M» smartfonunun istifadəçilər tərəfdən yaxşı qəbul edilmədiyinin fərqindədir.Bu səbəbdən yeniliyin daha mükəmməl olması üçün bütün imkanlar işə salınıb.Xatırladaq ki, smartfon iki ekranla təchiz edilmiş qurğudur.İstifadəçi iki ekranlı smartfonu planşetə çevirmək imkanına malikdir.İki ekran eyni zamanda iki proqramdan istifadə etməyə icazə verir.Cihaz yığılmış vəziyyətdə 5,2 düymlük «Full HD» təsvir ölçülü ekrana malikdir və «Snapdragon 821» qabaqcıl prosessoru, 4 QB əməli yaddaş, 20 meqapiksellik kamera, 3180 mAs tutumunda akkumulyatorla təchiz edilib.Zərif əl hərəkəti ilə kitab kimi açılan smartfon, həmçinin ikinci 5,2 düymlük ekrana malikdir. İkinci ekran birinci ekranla birgə, həm də ayrıca istifadə oluna bilər.Smartfonun çəkisi 230 qr-dır.
Beləliklə,hal-hazırda «ZTE» şirkəti «Axon M» xəttinin yenilənməsi üzərində işləyir. Bildirilir ki,böyük ehtimalla gələcək yenilik əyilməsi mümkün olacaq bir ekran ala bilər. Bununla belə, indiki modellə müqaisədə yeni qurğunun qiyməti daha bahalı ola bilər.
