«Apple» korporasiyası radio dalğalarının köməyi ilə qurğuları məsafədən yükləməyə icazə verəcək texnologiyanı patentləşdirir. Bu haqda «Patently Apple» nəşri bildirir.
Bir neçə gün öncə «Energous» şirkəti radio dalğalarından istifadəyə etməklə müxtəlif qurğuları məsafədən yükləməsi üçün ABŞ Federal Rabitə Komissiyasından icazə aldı.
«Apple» patentinin mahiyyətindən görünür ki,sistem eyni zamanda bütün qurğuları yükləməyəcək.O,qurğuların akkumulyatorlarının doldurulmasını ardıcıl təmin edəcək.
«ICTinfo.az» «macdigger.ru»-ya istinadən bildirir ki,belə mexanizmlərin bəzi problemləri də var.İlk növbədə enerji mənbəyindən uzaqlaşdıqda yükləmə gücü əhəmiyyətli dərəcədə aşağı düşür.Bundan başqa təhlükəsizliyin mövcud qaydalarına uyğun olaraq verilən yükün həcmi məhdudlaşır.
Hələlik «Apple» məsafədən simsiz yükləmə cihazlarının nə vaxt istehsal olacağı və onu hansı qurğuların dəstəkləyəcəyi məlum deyil.
Qeyd edək ki, hazırda qurğuların batareya tutumunun enerji ilə doldurulması üçün ən innovativ və populyar texnologiya induksiyalı enerjidoldurma hesab edilir. O, qəbuledici və vericinin fiziki kontaktını nəzərdə tutan “Qi” standartına əsaslanır. Bu il “iPhone 8”, “8 Plus” və “Х” smartfon modelləri çoxdan gözlənilən simsiz enerjidoldurma funksiyası ilə təchiz olunub.
