Dekabrın 3-də Çinin Çjetszyan əyalətində dördüncü Ümumdünya internet konfransı öz işinə başlayıb.Konfransda Azərbaycandan Milli Məclisin Gənclər və idman komitəsinin sədri Fuad Muradov iştirak edir.Fuad Muradov «Açıqlıq və ümumi fayda naminə rəqəmsal iqtisadiyyatın inkişaf etdirilməsi» sahəsi üzrə «Azərbaycanda İnformasiya texnologiyalarının inkişaf perspektivləri» mövzusunda əsas məruzəçilərdəndir. Dekabrın 5-dək davam edəcək konfransın əsas mövzuları süni intellekt, internet vasitəsilə yoxsulluqla mübarizə, yeni çağırışlar şəraitində internet kommunikasiyaları və sosial məsuliyyət, qlobal rəqəmli iqtisadiyyat, kiberməkan normaları, eləcə də kiberməkandan cinayətlərin və terror aktlarının törədilməsi üçün istifadənin qarşısının alınmasında beynəlxalq əməkdaşlıq kimi məsələlər olacaq. 
Konfransda dünyanın 80 ölkəsindən 1,5 min iştirakçı, o cümlədən “Alibaba” şirkətinin rəhbəri Cek Ma, “Apple” korporasiyasının rəhbəri Tim Kuk, internet yaradıcılarından biri Elliton Kan və “Kasperski laboratoriyası” antivirus şirkətinin rəhbəri Yevgeni Kasperski və digərləri iştirak edir.
