Rusiyanın Don Dövlət Texniki Universitetinin alimləri yükün çəkisini müəyyən etməyə bacarıqlı «ağıllı» çamadanın işçi prototipini yaratdılar.
«Ictinfo.az» «ferra.ru» resursuna istinadən bildirir ki,»ağıllı» çamadan 64x43x27 santimetr standart ölçüdə olmaqla qulpuna yükün çəkisini ölçən tikilmişdir.
İxtiraçıların sözlərinə görə, bu yenilik yaxın gələcəkdə haqqında daha geniş məlumatlar veriləcək on innovasiyadan biridir. Tezliklə çamadan öz coğrafi koordinatlarını müəyyən etməyi və smartfonla bağlanmağı öyrənəcək, həmçinin qaçırılmağa qarşı siqnalizasiya və daxili sahənin transformasiyası sistemi ilə təchiz ediləcək.
Daha qabağa gedən texnologiya isə “E-Case” sistemi olacaq.Bu texnologiya çamadanının qlobal “GPS” sistemi ilə təchiz olunması sayəsində baqajı smartfondan real vaxt rejimində izləmək mümkün olur.
Yenilik Rusiya üçün ilk olsa da artıq Amerika və Avropanın bir sıra ölkələrində oxşarlar var. Xarici analoqlardan o qiymətinin aşağı olması ilə fərqlənəcək.
