“iPhoneX” smartfonunda ard-arda baş verən problemlərə rəğmən irəliyə uğurla addımlayan «Apple» ekologiyanın qorunması istiqamətində tarixdə görünməyən yeniliyə imza atmaq fikrindədir.»Ictinfo.az» «Vistanews.ru» resursuna istinadən bildirir ki, böyük marağa səbəb olan ideya təbiətə ziyan vurmadan zaman-zaman özü çürüyən “iPhone” və “MacBook” yaradılmasından ibarətdir.
Saytın məlumatında bildirilir ki,“Apple” cihazların istehsalı zamanı təbii komponentli biomateriallara keçmək niyyətindədir. Bununla onlar qurğularda istifadə edilən detalları özü çürüyə bilən komponentlərə çevirmək niyyətindədirlər. Bundan başqa cihazların yaradılması üçün istifadə edilmiş maddələrdən faydalanmaq təklif olunur. Şirkətdə ən böyük problemi “Apple” cihazlarının akkumulyatorlarında toksik materialların əvəz edilməsində görürlər.
Ötən gün isə “Apple”-ın 2018-ci ildə istifadəyə verəcəyi yeni smartfonlar haqqında məlumat yayılmışdı.Bildirilir ki, “iPhone X” smartfonunun üç variantda təqdim ediləcək. Müxtəlif qiymətlərdə olacaq smartfonlar 5,8, 6,1 və 6,5 düym həcmli ekran alacaq. Ən önəmli məlumat isə smartfonların iki sim kart dəstəkli olacağıdır.Hələlik istifadəçiləri maraqlandıran bu məlumatdır.Təsdiq edilməmiş digər xəbər isə «iPhone»-lərin bükülə bilən korpusla təchiz edilməsidir.
