Yanvar ayında “Elektron hökumət” portalındakı “Portal üzərindən verilən arayışların yoxlanılması” xidmətindən 3839 dəfə istifadə edilib.
Bu xidmət vasitəsilə vətəndaşın istifadə etdiyi istənilən e-xidmət haqqında olan arayışın həqiqiliyini yoxlamaq mümkündür.
Sözügedən xidmətdən yararlanmaq üçün istifadə edilmiş elektron xidmətin PDF formatında yadda saxlanılan və yaxud çap olunan mətndəki ştrix kodu təqdim olunan boş xanaya əlavə edilir. Nəticədə ekranda istifadəçiyə aid fərdi məlumatlar əks olunur.
Qeyd edək ki, istifadəçilər bu arayışı da çap edə və ya kompüterin yaddaşında saxlaya bilərlər.
