«Keyssa» startapının nümayəndələri “Android” əməliyyat sisteminin yaradıcısı Endi Rubin tərəfindən təsis edilmiş “Essental” şirkətini ticarət sirrinin oğurluğunda ittiham edir. Bu haqda «Reuters» nəşri bildirir.
«Ictinfo.az» «igate.com.ua» saytına istinadən bildirir ki,»Keyssa» startapı simsiz məlumatların ötürülməsi üçün yeni texnologiyaların hazırlaması üzrə ixtisaslaşıb. Şirkətdə bildirdilər ki, onlar on ay boyu «Essential»-la danışıqlar aparıblar. Şirkətlərin nümayəndələri aksessuarların qoşulması üçün «Essential Phone» smartfonunda «Keyssa»-nın texnologiyalarından istifadəni müzakirə ediblər. Danışıqların dayandırılmasından sonra, «Essential» «Lattice semiconductor» şirkətinin texnologiyasından istifadə edib.
«Keyssa» hüquqşünasları «Essential» istehsalçılarının onların texnologiyasını oğurladığın bildiriblər.Öz növbəsində «Keyssa» «Essential»-la kompensasiya haqqında məsələni müzakirə etmək istəsələr də qarşı tərəf razılaşmaya gəlmədiyin bildiriblər.
«Essential Phone» smartfonunda 360-dərəcə video çəkən kamera təqdim edilmişdi. Aksessuar maqnitin köməyi ilə smartfonun arxasına bərkidilir və «Bluetooth»-a və «Wi-Fi»-ə toxunmadan simsiz texnologiyaya qoşulur.
Qeyd edək ki,“Essential Phone” çərçivəsiz displey, titan korpus və keramik qapaqla təchiz olunub. Cihaz 5,7 ekran ölçülüdür və “Qualcomm Snapdragon 835” prosessoruna malikdir. Operativ yaddaş 4 GB, daxili yaddaş 128 GB-dir. Əsas kamera ikilidir və 13 meqapikseldir. Frontal kamera isə 8 meqapikseldir. Qulaqcıqlar üçün yer qoyulmayıb.
Cihazın qiyməti 699 dollardır, kameranı isə 50 dollara əldə etmək olar.
