Gözlənildiyi kimi «Huawei» şirkəti Münhendə «Mate 10» və «Mate 10 Pro» yeni qabaqcıl smartfonlarını təqdim etdi.
Onlar ötən ilki «Huawei Mate 9» və «Mate 9 Pro» modellərini əvəz etməyə gəlir.
«Ictinfo.az» «4pda.ru»-ya istinadən bildirir ki,“Huawei Mate 10 Pro” əvvəlki modellər kimi, 20 və 12 meqapikselli sensor qoşa əsas kamera ilə təchiz olunub. Kameranın yan tərəfində “Leica” istehsalı olan işıqlandırıcı quraşdırılıb. Smartfon lazer fokuslaşdırıcısı, optik tənzimləmə sistemi və qoşa işıq diodlu işıqlandırıcıya malikdir.
Smartfonun arxasında barmaq izi skaneri yerləşdirilib.Həmçinin 8 meqapikselli ön kamera ilə təchiz edilib.Kamera obyektləri tanıyır, cari səhnənin altında kökləmələri seçir. Sonra süni intellektin köməyi ilə şəkilləri avtomatik qruplaşdırır: portretlər, sənədlər, yemək, heyvanlar və.s.Böyük model «Mate 10 Pro» smartfon tərəfləri 18:9 nisbətiylə ( 2160 x 1080 piksel) “Full HD+” təsvir ölçülü,həmçinin 730 nit və HDR10 parlaqlıq dəstəyi ilə AMOLED-ekran,süni intellekt sistemi üçün neyroblok və «Mali G72» qrafikasıyla “Kirin 970” prosessor, 6 giqabaytlıq operativ və 64 və 128 giqabayt tutumlu quraşdırılmış yaddaşla təchiz edilib. 
Süni intellekt sistemi oxuyur və istifadəçi proqramları işə saldıqda prosesi sürətləndirir və batareyanın yükünə qənaət edir. Yeni qurğu “IP 68” suyadavamlılıq standartını dəstəkləyir. Müqayisə üçün qeyd edək ki, “iPhone 8” və “iPhone 8 Plus” smartfonları “IP 67” standartı üzrə sertifikatlaşdırılıb.
Kiçik model «Mate 10» tərəflərin 16:9 standart nisbətiylə , «Quad HD» ( 2560 x 1440 piksel) təsvir ölçülü 5,99-düym IPS , parlaqlıq 730 nit və HDR10 dəstəyi ilə ekran aldı. Barmaq izlərinin skaneri qabaqda yerləşdirilmişdir.
«Mate 10»-un operativ və quraşdırılmış fleş-yaddaşının həcmi 4 QB və 64 QB təşkil edir.
Akkumulyator 4000 mAs həcmə malikdir və «Huawei SuperCharge» sürətli yükləməsini dəstəkləyir: 30 dəqiqə ərzində 58 faiz.
Smartfonlar ilk dəfə eyni zamanda iki SIM-kart, 4G, LTE Cat.18 və Cat.16 — 1,2 Qbit/s qədər,Wi-Fi (802.11a/b/g/n/ac) , Bluetooth 4.2 BLE və NFC dəstəkləyir.USB Type C portu var. Smartfonlar «EMUI 8.0» interfeysi «Android 8.0 Oreo» əməliyyat sistemi idarəsi altında işləyir.
Daha maraqlı məqam ondan ibarətdir ki, smartfonlar fərdi kompüter rejimində işləmək imkanı ilə təchiz edilib.Belə ki,»PC Mode» xüsusi rejimi ilə smartfonlar monitora, simsiz siçana və klaviaturaya qoşmaqla demək olar ki, adi fərdi kompüter kimi interfeyslə istifadə etmək olar.“Huawei” smartfonları “Samsung DeX» kimi funksiyanı dəstəkləyəcək və ehtiyac olmadıqda dok-stansiyaya uyğun işləyəcək.
Üç rəngdə — qara, göy və qəhvəyi rəngdə təqdim edilən smartfonlar 2017-ci ilin noyabr ayında təchizatından asılı olaraq 699-799 avroya satışa çıxacaq.Keramika korpusunda «Porsche Design Huawei Mate 10» versiyası isə 1395 avroya təklif ediləcək.
