«Apple» Fransanın «Regaind» startap layihəsini əldə etdi. Ehtimal ki, tezliklə mediatekada şəkillərin axtarışı kompüter görməsinə cavab verəcək.
«Ictinfo.az» «macdigger.ru» resursuna istinadən bildirir ki,»Regaind» –təsvirlərdə obyektlərin tanınması və şəkillərin keyfiyyəti üçün yeni alqoritmi yaratmış şirkətdir. Onların hazırlaması dublikatları və aşağı keyfiyyətli şəkilləri gizlədərək istifadəçilərə ən yaxşı foto seçməyə kömək edəcək. 
«Biz süni intellektdən istifadə edərək biznes-şirkətlərə və istehsalçılara təhlil etməyə və böyük miqdarda təsvir çeşidləməyə kömək edirik. Bizim proqram təminatımız yalnız şəkillərdə konkret obyektləri axtarmır, həm də fotodan daha konkret obyektləri seçir. «Regaind» şəkillərin keyfiyyətini və onların estetik xüsusiyyətlərini qiymətləndirir»-deyə şirkət açıqlamasında bildirib.
Həmçinin proqram kameranın köməyi ilə insanların emosiyalarını,yaşını və s. müəyyən etməyə icazə verir. «Apple» şirkətinin startapı nə vaxt əldə etdiyi məlum deyil. Mümkündür ki, «Regaind» işləmələri artıq «iPhone X»-da «Animoji» yaradılması üçün istifadə olunsun.
