“Meizu” şirkəti iki ekranlı “Pro 7” və “Pro 7 Plus” smartfonlarını təqdim edib.Yardımçı ekranlar qurğuların arxa panelində yerləşib. Sensor “AMOLED” ekranın diaqonalı 1,9 düym təşkil edir və bildirişlərin göstərilməsi üçün istifadə edilə bilər.Bundan başqa, ondan musiqi pleyerini idarə etmək və avtoportretlərin çəkilişində əsas kameraya nəzarət etmək mümkündür.Qurğular 16 meqapikselli ön kameraya malikdir. Lakin yeni qurğular arasında müəyyən fərqlər də var.
«Ictinfo.az» «4pda.ru»-ya istinadən bildirir ki,“Meizu Pro 7” “Full HD” təsvir ölçülü 5,2 düym diaqonallı “Super AMOLED” displeylə təchiz edilib.O səkkiznüvəli “Mediatek Helio P25” prosessorludur. Həmçinin qurğunun operativ yaddaş tutumu 4 giqabayt, quraşdırılmış yaddaşı 128 giqabayt təşkil edir. “Meizu Pro 7” sürətli enerji doldurma funksiyalı 3 000 mAs akkumulyatora malikdir.
“Meizu Pro 7 Plus” modeli “Quad HD” təsvir ölçülü 5,7 düym diaqonallı “Super AMOLED” ekran, onnüvəli “Mediatek Helio X30” prosessor, 6 giqabayt operativ yaddaş və 3500 milliamper/saat tutumlu akkumulyatorla təchiz edilib.
Qurğular avqustun 5-dən Çində satışa çıxarılacaq. “Meizu Pro 7” smartfonu 430 dollar, “Meizu Pro 7 Plus” modelinin 530 dollar təşkil edir.
