Tarixdə ilk dəfə Rusiyanın ərazisində hərəkət zamanı «5G» şəbəkəsi testdən keçirilib. Yoxlama «Ericsson» və «MTS» şirkətlərinin birgə səyi ilə təşkil edilib. Hərəkət Tuşino stadionda keçirilib və nəticə bir saniyə ərzində 25 Qbit sürəti göstərib.
«Ictinfo.az» «dni24.com»-a istinadən bildirir ki,bir qədər əvvəl Moskvada «Spartak» futbol klubunun stadionunun ərazisində «MTS» və «Ericsson» hərəkətdə olan vaxt 5G-i testdən keçirdi. Standart parametrlərdən başqa virtual reallıq xidmətləri, «ağıllı» texnikanın işləmək qabiliyyəti yoxlanılıb. Ekspertlər qeyd etdilər, hətta test variantında yükləmənin sürəti bir saniyə ərzində 25 Qbit çatır ki, bu da bir neçə saniyə ərzində saatlıq HD-filmini yükləməyə inkan verir. Bu gün bu göstərici bütün dünyada rekorddur. Mütəxəssislərin fkrincə «Ericsson» və «MTS» artıq «5G» inkişafının tarixinə öz adları yazdı.“Ericsson” şirkətinin «Şimali Avropa və Mərkəzi Asiya» regionunda mobil genişzolaqlı çıxış üçün həllərin işlənməsi üzrə aparıcı eksperti Bo Brandın fikrincə, beşinci nəsil rabitə şəbəkələri ötürülən məlumatların həcminin 1000 dəfə, internetə qoşulan qurğuların sayının 10-100 dəfə, bir abunəçiyə düşən trafikin 10-100 dəfə artımı, həmçinin batareyanın daha uzunmüddətli işləməsi ilə xarakterizə olunacaq. Bu halda “5G” texnologiyası geniş tezlik diapazonundan (10 QHs-dən 100 QHs-dək) istifadə edə bilər – Bo Brand bildirib.
