Slovakiya istehsalçıları bu ay «AeroMobil Flying Car 3.0» uçan nəqliyyat vasitəsini təqdim edəcəklər. «AeroMobil Flying Car 3.0» avtomobili həm yerüstü yollarda, həm də havada sərbəst hərəkət etməyə qadirdir.
«Ictinfo.az» «svopi.ru»-ya istinadən bilirir ki,»AeroMobil Flying Car 3.0″ uçan avtomobili aparelin 20-də Monaco avtoşousunda təqdim ediləcək. İstehsalçılar uçan nəqliyyat vasitəsini hazırlamağa 2,5 il vaxt sərf ediblər.
«AeroMobil» şirkətinin mətbuat mərkəzində bildirirlər ki, maşını təyyarələr və avtomobillər haqqında qanunvericiliyə tam uyğundur. Nəqliyyat vasitəsinin işə salınması hibrid qüvvət qurğusunun köməyi ilə həyata keçirilir. Uçan avtomobilin akkreditasiyası Slovakiyada keçirilib.
«AeroMobil Flying Car 3.0» konsepti şəxsi uçan avtomobillərin inkişafında yeni istiqamətə hədəflənib.Nəqliyyat vasitəsinin bu növü daha çox ekoloji və effektiv kimi tanınır.
«AeroMobil Flying Car 3.0» uçan avtomobilinə sifarişlər bu ildən qəbul ediləcək. Yeni nəqliyyat vasitəsinin qiyməti hələkik açıqlanmır.
