Çinin “Huawei” şirkəti “MediaPad T2 10.0 Pro” planşetini təqdim edib.“runews24.ru” saytının məlumatına görə, yeni cihaz diaqonalı 10,1 düym olan və WUXGA genişlənmə ilə İPS displeylə təchiz edilib. Cihaz “Android 5.1” əməliyyat sistemi ilə işləyəcək. Planşetin çipseti “Qualcomm Snapdragon 616”dandır və səkkiz nüvədən ibarətdir, kameraları isə 8 və 2 meqapiksel genişlənməyə imkan verir.
Əməliyyat yaddaşı seçimdən asılı olaraq 2 və ya 3 Gb, daxili yaddaş isə 16 və ya 32 Gb ola bilir. Batareyanın gücü isə 6650 mAs təşkil edir.
Bundan başqa, cihaz Wi-Fi və LTE rabitə şəbəkəsini dəstəkləyəcək. Cihazın qiyməti isə hələlik məlum deyil.
