Vergilər Nazirliyi nağdsız hesablaşmalara keçidlə bağlı müəyyən addımlar atmağı düşünür.Bu barədə vergilər nazirinin müavini Sahib Ələkbərov məlumat verib. Onun sözlərinə görə, dünyanın hər yerində nağdsız hesablaşmalar geniş yayılıb. Skandinaviya ölkələrində isə ümumiyyətlə nağd ödənişlərdən imtina ediblər. Azərbaycanda da nağdsız ödənişlərə keçirilərsə, vergi daxilolmaları böyük məbləğdə artacaq. Ümumiyyətlə isə bu problem inzibati yolla deyil, maarifləndirmə işləri aparmaqla həll olunmalıdır.
Nazir müavini qeyd edib ki, Azərbaycanda vergi yükü kifayət qədər aşağıdır. Nazirliyin təklif etdiyi paket sənədlərdə əlavə dəyər vergisi ilə bağlı 9 faizlik güzəşt edilib. Ölkəmizdə vergi ödəyiciləri üçün əlverişli mühit yaradılıb. Yanvarın 1-dən Vergi Məcəlləsində aparılan dəyişikliklərdə də xeyli güzəştlər olunub. Yalnız un məmulatları ilə bağlı güzəştin dəyəri ildə 50 milyon manatdır.
