“Interbrand” konsaltinq agentliyi 2022-ci il üçün dünyanın ən bahalı brendlərinin yeni siyahısını hazırlayıb. Əvvəllər olduğu kimi, ən böyük texnoloji nəhənglər ardıcıl olaraq ilk beşliyi tutaraq və rəqiblərini əhəmiyyətli dərəcədə üstələyərək reytinqə başçılıq edirlər.
İlk 20-likdə birinci yer “Apple2-da qalıb – o, 482,21 milyard dollar dəyərində qiymətləndirilib (2021-ci illə müqayisədə +18%). “Microsoft” “Amazon”u keçərək ikinci yeri tutub – onların müvafiq olaraq 278,28 (+ 32%) və 274,81 (+ 10%) milyard dolları var. 2021-ci ildə olduğu kimi “Google” və “Samsung” dəyərində əhəmiyyətli artımla ilk beşliyi tamamlayırlar — müvafiq olaraq 251,75 (+28%) və 87,68 (+17%) milyard dollar.
Sonrakı beşlikdə bəzi dəyişikliklər oldu.”Coca-Cola2 şirkəti “Toyota”-dan yan keçə bilib. “Mercedes-Benz2 səkkizinci yerini qoruyub. Doqquzuncu və onuncu yerləri müvafiq olaraq “Disney” və “Nike2 tutub. Lakin McDonald’s on birinci yerə enərək ilk onluğu tərk etdi. Ötən illə müqayisədə “Tesla” 32% dəyər əlavə edərək yekun siyahıda 14-cü yerdən 12-ci yerə yüksəlib. Amma “Intel”, əksinə, 8% batdı.
Qeyd etmək lazımdır ki, ən bahalı brendlərin orta ümumi dəyəri ilk dəfə olaraq 3 trilyon dollar həddini keçib. Bu il həm də indiyə qədər ən sürətli brend artımı müşahidə olunur.
Tam statistika ilə linkdə tanış olmaq olar.
