«eMarketer» tədqiqat şirkətinin yeni hesabatına əsasən, 2015-ci ildə dünyada planşet istifadəçilərinin sayı 1 milyardı ötəcək.
Şirkət cari ilin sonunda dünyada hər 100 nəfərdən 17-nin planşet istifadəçisi olacağını proqnozlaşdırır.
«ICTnews» elektron xəbər xidməti «emarketer.com» saytına istinadən bildirir ki, 2018-ci ildə planşet istifadəçilərinin sayı 1.43 milyarda çatacaq.
«eMarketer», həmçinin ölkələr üzrə planşet istifadəçilərinin sayını dərc edib. Siyahının ilk üç pilləsində Çin, ABŞ və Hindistan qərarlaşıb. Planşet istifadəçilərinin təxminən yarısı bu üç ölkənin payına düşür.
«eMarketer» – rəqəmli texnologiyalar, media və internet marketinq bazarının təhlili üzrə ixtisaslaşmış ABŞ-ın özəl tədqiqat şirkətidir. 1996-cı ildə təsis edilib, şirkətin qərargahı Nyu-Yorkda yerləşir.
