“Net Applications” analitik şirkəti cari ilin avqustunda əməliyyat sistemləri (ƏS) üzrə statistika dərc edib. Statistikaya əsasən, “Windows 10” platforması öz mövqeyini gücləndirməyə davam edir və bazar payı 23%-ə yaxınlaşır. Belə ki, bir ayda sözügedən sistemin bazar payı 1.9% yüksəlib.“ko.com.ua” saytı yazır ki, ƏS-i bazarının lideri olan “Windows 7”-nin bazar payı hazırda 47.3%-ə bərabərdir.
9.36% bazar payına sahib “Windows XP” üçüncü yeri tutur. Bir ayda bu sistemin dinamikası −1% təşkil edib.
Ümumilikdə “Windows”un müxtəlif versiyaları əməliyyat sistemləri bazarının 90.5%-nə nəzarət edir. “Apple” şirkətinə məxsus “macOS”-da müvafiq göstərici təxminən 7.4%, “Linux” əməliyyat sistemlərində isə 2.1%-dir.
