“Apple”-ın yeni “iPhone X” smartfonu haqqında xoşagəlməz xəbərlər gəlməkdədir.”Ictinfo.az” “vistanews.ru” resursuna istinadən bildirir ki, ABŞ-dan olan on yaşlı məktəbli “Face ID” üzün tanınması sistemindən istifadə edərək öz anasının “iPhone X” smartfonunu blokdan çıxarmağı bacarıb. İnternetdə yayılan videoçarx boyük hay-küyə və müzakirələrə səbəb olub. Artıq sözügedən videoya 350 minə yaxın baxış olub.Valideyinin sözlərinə görə, onlar məktəblinin smartfonu necə blokdan çıxarılması müəyyən edərək tədbirlər görsə də ümumi təhlükəsiliklə bağlı çox narahatdır.
“Apple” bu hadisəni hələ şərh etməyib.Yalnız şirkət smartfonun soyuq havada ekranının işləməməsi məsələsinə reaksiya verib və növbəti yenilənmələrdə problemin aradan qaldırılacağın bildirib.
Xatırladaq ki, “iPhone X”-ın nümayişində “Face ID” texnologiyasının işində müəyyən problem yaranmışdı.Belə ki,blokdan çıxarma vaxtı qurğu şəxsin üzünü müəyyən edə bilməmişdi. Tədbirin təşkilatçıları smartfonu başqası ilə əvəz etməli oldu. Sonradan bu problemi təhlükəsizlik tələbləri ilə izah etdilər.
