Uzun müddətdir “Google” şirkətinin “Voice” xidmətini yeniləməməsinə baxmayaraq bu, layihədən yararalanan istifadəçilərin sayına təsir etməyib.
“İctinfo.az” “4pda.ru”-ya istinadən bildirir ki, bu günlərdə “Google Voice”-nin yeni versiyası istifadəyə verilməsi barədə məlumat yayıldı.Təəssüf ki, hələlik heç bir dəyişiklik yoxdur. Düymənin basılması ilə köhnə sayt yenidən yüklənir. “Google” nümayəndələri sonra təsdiq etdilər ki, xidmətin yeni versiyası həqiqətən hazırlanmaqdadır.
Google Voice xidməti istifadəçinin bütün telefon nömrələrinin birləşməsinin imkanıyla VoIP protokolu üzrə səs zənglərin həyata keçirilməsi üçün xidmət edir. Onun köməyi ilə pulsuz zəng etmək və vahid “Google” nömrədən SMS göndərmək olar. Düzdür, bu xidmət hələ ki yalnız ABŞ-ın ərazisində işləyir.
Yeni versiya çıxdıqdan sonnra xidmətin digər ölkələrdə də tətbiq edilməsi istisna edilmir.
