Apple Inc” bu ilin birinci rübündə Asiyada yerləşən təchizatçılarına 5-6 milyon “Apple Watch” cihazı sifariş edib.
“Wall Street Journal”ın verdiyi məlumata əsasən, “Apple Watch” cihazlarını hazırlayan yeganə müəssisə Tayvanda yerləşən “Quanta Computer İnc” şirkəti bu ilin əvvəlindən iri həcmli istehsala başlayıb ki, apreldə buraxılışa hazır olsun.
Minlərlə insan, hətta Çin Yeni il bayram tətili vaxtı “Quanta” məxsus “Çanqşu” fabrikində işləyəcək. Fabrik 24 saat dayanmadan fəaliyyət göstərəcək.
Aşağı sinfə aid olan “Apple Watch Sport” modelinin payına istehsalın tam yarısı düşür. Yüksəksəviyyəli, 18 karatlıq qızıl örtüyə malik olan “Apple Watch Edition”un istehsalının birinci rübdə yüksək səviyyədə olmayacağı bildirilir, amma ikinci rübdə “Apple” aya 1 milyondan çox istehsal planlaşdırır.
“Apple Watch” cihazının ilkin qiyməti 349 dollar səviyyəsində gözlənilir. Zəng və mesaj qəbulu, musiqi pleyeri, rəqəmsal pul kisəsi və ürək döyüntüsünü qeyd edən sensor kimi xüsusiyyətlərə malikdir.
