Bu ayın sonunda Barselonada keçiriləcək “MWC 2017” sərgisində “HMD Global” şirkəti əfsanəvi “Nokia” markasının altında yeni smartfonlar təqdim edəcək. Daha əvvəl hesab edilirdi ki, istehsalçı sərgidə “Snapdragon 835” prosessoru əsasında flaqman “Nokia 8”-i elan edəcək, ancaq son məlumatlara görə “HMD Global” burada “Nokia 3” və “Nokia 5”-i, həmçinin əfsanəvi Nokia 3310-un müasir versiyasını təqdim edəcək. Smartfonun “Əfsanə qayıdır” şüarı ilə təqdim ediləcəyi gözlənilir.
“İctinfo.az” “4pda.ru”-ya istinadən bildirir ki, şirkət 2000-ci illərin əfsanə telefonu, dünyada milyonlarlasatılmış “Nokia 3310”un müasir smartfon versiyası olmaqla əvvəlilər qədər dözümlü bir qurğu təqdim edəcək.
“Nokia 5” smartfonu 5,2 ekran ölçülü displeyə malikdir və “Qualcomm Snapdragon 430” prosessoru, 2 GB operativ yaddaş, 13 meqapiksel əsas kamera və 8 meqapiksel ön kamera ilə təchiz edilib. Qiyməti 200 dollar olacaq.
“Nokia 3” isə daha zəif “Snapdragon 425” prosessoru, 5 meqapiksel kamera ilə təchiz ediləcək. Digər göstəricilər “Nokia 5”lə eyni olacaq. Smartfon 145 dollardan satılacaq.
