“Zoom” videozənglər xidməti öz elektron poçtunu və təqvimini istifadəyə verəcək.Yenilik “Google Workspace” və “Microsoft 365” kimi platformalarla rəqabət aparmağa kömək edəcək.“ICTinfo.az” “belta.by” saytına istinadən yazır ki,bu il “Zoom” poçt xidmətinin veb-versiyası sınaqdan keçiriləcək.Təqvim bundan sonra istifadəyə veriləcək.Şirkətin rəhbərliyi “COVID-19” pandemiyasının azalması və əməkdaşların ofislərə geri qayıtmağa başlayacağı vəziyyət üçün yeni xidmətlər hazırlayır.
Onlayn ofis bazarındakı böyük şirkətlər bu il distant iş və təhsil formatına kütləvi keçid fonunda öz məhsullarını xeyli təkmilləşdiriblər. “Microsoft” korporasiyası “Microsoft Teams” videobağlantı xidməti üçün genişmiqyaslı yeniləmə çıxarıb, “Google” isə “Workspace” paketinə yeni funksiyalar əlavə edib. Hər iki şirkət poçt, çat, təqvim, bulud saxlanc sistemi və başqa ofis alətləri təklif edir.
