YouTube video xidməti istifadəçilərin reklam blokerləri ilə videolara baxmasının qarşısını alacaq yeni funksiyanı sınaqdan keçirir. Xidmət ya blokatoru söndürüb reklamı izləməyi, ya da YouTube Premium-a abunə olmağı təklif edəcək.
YouTube yeni funksiyanı eksperimental adlandırır, hazırda ondan geniş istifadə olunmur. 2022-ci ilin əvvəlində YouTube Vanced tətbiqi Google ilə bağlı hüquqi problemlərə görə dayandırıldı – xidmət YouTube-un reklamsız dəyişdirilmiş versiyası və arxa fonda dinləmək kimi əlavə pulsuz funksiyalar idi.
YouTube-un sahibi olan Google reklam blokerlərinə qarşı mübarizəsi ilə tanınır – şirkət 2023-cü ilin yanvarında Google Chrome brauzerini Manifest V3 genişləndirmə sisteminə keçirməyi planlaşdırırdı ki, bu da blokerlərin cari versiyalarını yararsız hala salacaq. Bununla belə, tərtibatçılar rəyləri təhlil etməyə və yeni sistemdə dəyişikliklər etməyə davam etdiyi üçün Manifest V3-ə keçid gecikdi. Həmçinin 2016-cı ildə Google, brauzerə inteqrasiya olunmayan bütün reklam blokerlərini Play Store-dan sildi.
