«Google» axırıncı yeniləməsindən sonra «Mozilla Firefox» və «Microsoft Edge» brauzerlərində «YouTube» işini xüsusi olaraq pisləşdirdi.»ICTinfo.az» «macdigger.ru» resursuna istinadən bildirir ki,bu ittihamla «Mozilla»-nın texniki meneceri çıxış edib.O,bildirib ki,»YouTube» saytı «Chrome»-la müqayisədə «Firefox» və «Edge»-də beş dəfə daha yavaş yüklənir. Bu brauzerlər də IT-nəhəngin ən böyük rəqibləridir.
«Mozilla»-nın texniki meneceri hesab edir ki, bu ləngimə xidmətin yenidən dizaynı ilə bağlıdır. İndi «YouTube» «Google Polymer» texnologiyasından istifadə edir.Və buna görə də problemlər ola bilər.
«Google» «Polymer»-in sürətləndirməyə kömək edəcəyini açıqlamışdı. Amma şirkət yeni interfeysin yalnız «Chrome»-da əlçatan olan «API Shadow DOM v0»-dan istifadə etdiyini açıqlamayıb.Məhz buna görə də menecer «Google» istifadəçilərin «YouTube»-a «Chrome» veb-brauzerindən daxil olması üçün bunu məqsədyönlü şəkildə etdiyini güman edib.
Ancaq çoxları «Mozilla» ilə razı deyillər və «Google»-un məsələyə ədalətlə yanaşdığı fikrindədirlər.
