Çinin «Baidu» sosial şəbəkəsinin istifadəçilərindən biri şəbəkədə yeni «Nokia 8» smartfonunun əsl fotosunu dərc edib. «Ictinfo.az» «vistanews.ru»-ya istinadən bildirir ki,yeni qurğu nümunədən güclü fərqlənir. «Nokia» smartfonlarının istehsalçısı “HMD Global” şirkəti smartfonlar sənayesində yeni çəkiliş standartlarının qurulması məqsədilə Almaniyanın “Zeiss” istehsalçısı ilə uzunmüddətli əməkdaşlıq haqqında saziş imzalasa da yeni qurğunun son fotolarında görünür ki, kameranın yanında «Zeiss» loqotipi yoxdur.
Ekspertlər yeni smartfonu təhlil edərək,smartfonun korpusunun olduqca kövrək olacağı qənaətinə gəliblər. Bəzi insayderlərin məlumatına görə, «Nokia 8 » 8 nüvəli «Snapdragon 835» prosessoru, 5,3 düymlük «QHD» təsvir ölçülü ekran, 4 və ya 6 QB-lıq əməli yaddaş və 64 QB-lıq daxili yaddaş qurğusu ilə təchiz ediləcək. Fərziyyələr var ki, yeni smartfon 31 iyulda təqdim ediləcək. «Nokia 8»-in qiyməti təqribən 675 dollar təşkil edəcək.
