“Corning” şirkəti mobil qurğuların displeyləri üçün «Gorilla Glass” qoruyucu şüşəsinin altıncı nəslini təqdim edib.
“ICTinfo.az” “ixbt.com” resursuna istinadən yazır ki, “Gorilla Glass 6” əldən yerə düşərkən dözümlüyünə görə rəqib istehsalçıların texnologiyalarını və şüşənin əvvəlki «Gorilla Glass 5»-i iki dəfə üstələyir. Belə ki, keçirilən sınaqlarda yeni qoruyucu şüşə asfalta oxşar bərk nahamar səth üzərinə 1 metr hündürlükdən 15 dəfə düşmələrə dözməklə bu göstərici üzrə digər istehsalçıların məhsullarını dəfələrlə geridə qoyub.
Məlumata görə, yeni qoruyucu şüşə qurğunun displeyində keyfiyyətli təsviri və onun sensor səthinin toxunuşlara və mətnlərin çapına həssaslığını daha yaxşı təmin edəcək.
İstisna edilmir ki, yeni şüşə ilk dəfə bu ilin payız aylarında təqdim ediləcək yeni «iPhone»-da tətbiq ediləcək.Məlum olduğu kimi «Corning»-lə «Apple»-ı arasında uzun müddətli əməkdaşlıq var.
http://www.youtube.com/watch?v=HShYmocheBY
