Günlərlə növbələrdə durub yeni «iPhone» alan həvəskarların bəziləri indi smartfonlarını geri qaytarırlar.»PhoneArena» nəşri oxucuların yeni smartfon haqqında fikirlərin dərc etdi.Yeni «iPhone X» əldə edən sahiblərdən biri qeyd etdi ki, ekranın yuxarı hissəsində qaraltının olması və eyni zamanda smartyfonun qutusunda sürətli yükləmənin yoxluğu ona smartfondan həzz almağa mane olub.
«Mən «Apple»-ın ən böyük pərəstişkarıyam, amma «iPhone X»-la məyus oldum. Mən onu cümə günü aldım və bu gün qaytardım. Ekranın üstündə qara sahə son dərəcə qıcıqlandırıcı görünür. OLED-panel mənim «6S Plus»-da LCD-dən azacıq daha yaxşıdır.Mən «iPhone X» qaytarılması üçün nəzərdə tutulan növbədə ikinci idim»— deyə müştəri bildirib.Başqa bir istifadəçilər isə smartfonun kəskin qızmasından şikayətlənib.
Digər tərəfdən də sahibini sifətinə görə tanıyan “Face ID” texnologiyasının 13 yaşdan aşağı istifadəçilər üçün keçərli olmaması kiçik sifarişçiləri məyus edib.Məlumdur ki,insanın üz görünüşünün unikal xüsusiyyətləri 13 yaşadək formalaşır. 
“Apple”, həmçinin əkizlərə “Face ID” texnologiyasından istifadə etməyi tövsiyə etmir, çünki “iPhone X” smartfonunun blokdan çıxarılması zamanı yanlışlıqlar olması istisna deyil.
Şikayətləri araşdıran “Apple” korporasiyası yeni “iPhone X” smartfonlarındakı problemlə bağlı məlumat verib.Şirkət “iPhone X”un ekranında qızma baş verə biləcəyini açıqlayıb. Əgər ekranda yüksək kontrasta malik parlaq təsvir uzun müddət qalarsa, qızma baş verə bilər.
“Apple” öz saytında xüsusi təlimat yerləşdirərək indiyədək mobil bazarda ən yaxşı displey adlandırılan “Super Retina”nın qızmasının qarşısını necə almağın yolları barədə məlumat verib.
Qeyd edək ki, bu yaxınlarda təqdim olunmuş “Pixel 2 XL” smartfonlarında da analoji problem aşkarlanıb.
