Yeni Pixel 8 və Pixel 8 Pro-nun təqdimatından sonra smartfonların elan edilməmiş, lakin son dərəcə faydalı bir xüsusiyyəti haqqında məlum oldu. Məsələ burasındadır ki, Google üz tanıma texnologiyasını ciddi şəkildə təkmilləşdirərək onu barmaq izini skan etmək qədər etibarlı edib.
Yeni Tensor G3 prosessoru və qabaqcıl maşın öyrənmə alqoritmləri sayəsində Google, tətbiqlərdə autentifikasiya üçün zəruri olan şirkətin üz tanıma funksiyası üçün 3-cü səviyyəli biometrik təsnifata nail oldu. Belə ki, Pixel 8 və 8 Pro sahibləri müxtəlif proqramlara daxil olarkən nəinki barmağını ekrana qoya, həm də Face ID-li Apple smartfonlarında tətbiq olunduğu kimi ön kameradan istifadə etməklə sadəcə üzlərini skan edə biləcəklər.
“Google Tensor G3, Titan M2 təhlükəsizlik çipi ilə birlikdə şəxsi məlumatları qoruyur və Pixel-i mürəkkəb hücumlara qarşı daha davamlı edir. Pixel 8-in Face Unlock funksiyası Android-də ən yüksək dərəcəli biometrik autentifikasiyaya malikdir və bu, uyğun bankçılıq və Google Wallet kimi ödəniş proqramlarına daxil olmaq imkanı verir” – Google bloq yazısında bildirib.
Qeyd edək ki, Pixel 4 artıq üz skanından istifadə edərək biometrik autentifikasiyaya malik idi, lakin o, mürəkkəb sensor sistemindən istifadə etdi və bir il sonra Google bu ideyadan imtina etdi. İndi bu fürsət adi ön kameradan istifadə etməklə həyata keçirilir.
