Azərbaycan mobil rabitə bazarının lideri Azercell Telekom öz abunəçilərinə sərfləli tarif paketləri və endirimli kampaniyalar təklif etməkdə davam edir. Bu dəfə şirkət yay ayları ərzində səyahətə çıxmaq istəyənlər üçün sevindirici yenilik təqdim edir. Belə ki, 21 iyun — 31 avqust 2016-cı il tarixlərində Azercell-in abunəçiləri rominq xidməti çərçivəsində Türkiyə,Avstriya, Belarus, Bolqarıstan, Xorvatiya, Çexiya, Fransa, Almaniya, Macarıstan, Portuqaliya və İspaniyada vahid rominq tariflərindən yaralana bilərlər.
| Ölkə | Daxil olan zəngin hər bir dəqiqəsinə görə xidmət haqqı | Bütün istiqamətlərə edilən zəngin hər bir dəqiqəsinə görə xidmət haqqı | Mobil Internet xidmətinin hər bir MB görə xidmət haqqı | Göndərilən hər bir SMS-ə görə xidmət haqqı |
| Türkiyə | 0.32 | 1.00 | 0.55 | 0.15 |
| Avstriya | 0.32 | 1.50 | 3.50 | 0.20 |
| Belarus | 0.32 | 1.50 | 3.50 | 0.20 |
| Bolqarıstan | 0.32 | 1.50 | 3.50 | 0.20 |
| Xorvatiya | 0.32 | 1.50 | 3.50 | 0.20 |
| Çexiya | 0.32 | 1.50 | 3.50 | 0.20 |
| Fransa | 0.32 | 1.50 | 3.50 | 0.20 |
| Almaniya | 0.32 | 1.50 | 3.50 | 0.20 |
| Macarıstan | 0.32 | 1.50 | 3.50 | 0.20 |
| Portuqaliya | 0.32 | 1.50 | 3.50 | 0.20 |
| İspaniya | 0.32 | 1.50 | 3.50 | 0.20 |
Əlavə olaraq bildirək ki, rominqdə olan Azercell Fakturalı və Fakturasız xətt (SimSim) abunəçiləri Telefon Mərkəzinə zəng etdikdə, zəngin ilk 5 dəqiqəsini pulsuz danışırlar. Azercell, həmçinin, fakturalı xətt abunəçilərinə rominq xidmətlərinin aktiv edilməsi üçün tələb olunan depoziti ləğv edib. Bununla da bütün Azercell abunəçiləri istədikləri ölkəyə səfər etməzdən əvvəl rahat şəkildə rominq xidmətlərini aktiv edə bildilər. Rominq xidmətini aktiv etmək üçün isə mobil telefonlarınızdan *135*1#YES kodunu yığmaq lazımdı.
Azercell rominq xidmətindən istifadə edən abunəçiləri üçün maraqlı yeniliklər təqdim etməkdə davam edəcək.
Daha ətraflı məlumat üçün news@mcs.az ünvanına müraciət edə bilərsiniz
Azercell Telekom MMC 1996-cı ildə təsis edilmişdir və fəaliyyətinin ilk illərindən etibarən bazarda lider mövqeyini saxlayır. Bir sıra innovativ texnologiya və konsepsiyaları ilk dəfə olaraq, Azərbaycana Azercell gətirib: GSM texnologiyası, öncədən ödəmə mobil xidmətləri, M2M,MobilBank,GPRS/EDGE (mobil internet),24/7 Telefon Mərkəzi, tam xidmət göstərən Azercell Ekspres ofisləri, mobil elektron xidməti “Asan İmza” və s. Azərbaycanın mobil rabitə bazarındakı payı 48% olan Azercell-in şəbəkəsi ölkə əhalisinin 99,8%-ni əhatə edir. 2015-ci ilin sonuna Azercell abunəçilərinin sayı 4,5 milyon nəfər təşkil etmişdir. 2011-ci ildə Azercell 3G, 2012-ci ildə isə 4-cü nəsl şəbəkəsi olan LTE xidmətini təqdim etmişdir. Azercell Azərbaycanın mobil rabitə sənayesinin lideri və qeyri-neft sektorunun ən böyük sərmayədarıdır. Azercell dünyanın 17 ölkəsində fəaliyyət göstərən, ümumilikdə 186 milyon abunəçiyə xidmət edən və 27 min əməkdaşı olan Telia Company şirkətlər qrupunun bir hissəsidir.
