Yaponiyanın Koyoju Gohan şirkəti ofis işçilərinin zərurət yarandıqda ayaq üstə yata bilməsi və bununla da öz yorğunluğunu çıxarması üçün şaquli yuxu kamerası hazırlayıb.Qurğunun ölçüsü kiçik telefon köşkü kimidir: kameranın hündürlüyü 2,5 metr, eni isə 1,2 metrdir. Xüsusi platformalar adamı rahat saxlayacaq. Səs keçirməyən kamerada tüstü detektoru, yanğınsöndürən, ventilyator, tavan və döşəmə LED işıqlandırması var. Qurğunun yaradıcıları hesab edirlər ki, bu, əmək məhsuldarlığının və işçilərin sağlamlığının yaxşılaşdırılmasına kömək edəcək.
«Bir çox insanlar fiziki yorğunluqdan və stressdən qurtula bilmirlər — onlar yuxululuğa dözməli və işləməyə davam etməlidirlər. Biz bu stereotipin qırılacağı bir dövrə yaxınlaşırıq. Ayaq üstə yatıb, qısa müddətdə zehninizi və bədəninizi bərpa edin!» Koyoju Gohan-nın payalaşdığı videoda deyir.
Eyni zamanda, tərtibatçılar kamerada 20 dəqiqədən çox müddətə yatmamağa çağırırlar, əks halda gecə yuxusu pozulacaq. Bu cür cihazlar yalnız ofislərdə deyil, həm də yerli kafelərdə təqdim edilə bilər.
