Yaponiyada svetoforlar beşinci nəsil mobil rabitə şəbəkəsinin (5G) siqnallarını ötürməyə imkan verən xüsusi avadanlıqla təchiz ediləcək. Bu barədə ölkənin “NHK” telekanalı məlumat verib.
“ICTinfo.az” “Belta.by” resursuna istinadən yazır ki, Yaponiya hökuməti tərəfindən “5G” mobil şəbəkəsinin qurulmasının sürətləndirilməsi üzrə proqrama əsasən yeniliyin 2020-ci ildən etibarən istifadəyə verilməsi planlaşdırılır. Ona görə ki, bunun üçün mövcud olandan daha çox antena qurğuları tələb olunur.Ən azı 200 min işıqfora xüsusi avadanlıq quraşdırmaq niyyətindədir. Bu, “5G” şəbəkəsini daha tez tətbiq etməyə və xərcləri xeyli azaltmağa imkan verəcək.Bundan başqa, svetoforlarda avtonom avtomobillərin hərəkətini asanlaşdırmaq üçün yollarda hərəkət şəraitini qeydə alan ötürücülərin quraşdırılması nəzərdə tutulur.
Qeyd edək ki, “5G” mövcud “4G” şəbəkəsini əvəz edəcək yeni nəsil rabitə şəbəkəsidir. Proqnozlara görə, şəbəkədən 2020-ci ildən etibarən bütün dünyada istifadə mümkün olacaq. Bundan sonra yalnız smartfonlar üçün optimallaşdırılan “4G” şəbəkəsindən fərqli olaraq milyardlarla qurğunun qoşulacağı “5G” şəbəkəsi məlumatların yüksək sürətlə ötürülməsini, zəif yubanma dərəcəsini, eləcə də enerjidən az istifadəni təmin edəcək.
